Ek Saccha Dost — Zindagi Ka Sabse Khoobsurat Rishta

 Radhe Radhe doston!

Rakhi ki Diary mein aapka swagat hai!

Aaj hum baat karenge ek aise rishte ki,         jo na khoon se banta hai, na paison se.        Jo sirf dil se banta hai —  Dosti ka rishta.

Kehte hain dosti ka koi rang, jaat, mazhab nahi hota — bas ek dil hota hai jo bina matlab ke doosre dil ko samajh leta hai.

Aaj main aapko le jaa rahi hoon ek aise rishte ki kahani ke safar per jo na kabhi purana hota hai, na hi kabhi tootta hai 

💙 Bachpan Se Shuru Hoti Ye Dosti-

Bachpan ki dosti sabse pyari hoti hai.      Ghar ke aangan mein pakdam pakdai, mitti mein khelana, school ki uniform mitti se bhari hona. 

🌈 Sachche Dost ki Pahchan -

Zindagi mein hum kitne logon se milte hain school, college, office, mohalla, train, bus  har jagah dost bante hain.                              Par har milne wala dost Saccha Dost nahi hota.

Kabhi kabhi poori bheed mein bas ek hi chehra hota hai, jo sabse alag hota hai     woh hamesha aapka haath pakad kar kehta hai                                                                  "Main hoon na, tu chinta mat kar."

💙 Zarurat Mein Pata Chalta Hai-

Duniya mein sab log tab tak apne lagte hain jab tak sab kuch theek ho.                               

Ek din paisa khatam, job chali gayi, health kharab ho gayi — tab aapko pata chalta hai ki kitne log phone uthate hain.               Saccha dost kabhi nahi poochta — "Tere paas kya hai?"

Woh bas poochta hai — "Tu theek hai na.

Koi nahi dekhta ki tumhare dil mein kitna bojh hai, par saccha dost dekh leta hai aur bina bole haath pakad ke keh deta hai    "Main hoon na, ab sambhal lenge."

 🌈 Dooriyan Kuch Nahi Bigaadati-

Woh aapka Kandha banna hai jo 2 saal baad bhi call kare to lage — kuch badla hi nahi.  Saccha dost sheher, status, time zone nahi dekhta.

Woh sirf dil dekhta hai — aur dil se hi dil tak rishta aa xbanaye rakhta hai.

🪁 Bachpan Ki Dosti — Sabse Nirali-

Bachpan ki yaad aati hai to sabse pehle kisi dost ka chehra yaad aata hai.

Ghar ke aangan mein gilli-mitti se kheli hui pitthoo, chhupan-chhupai, gali cricket, school ke bag mein chhupi hui toffee, kisi dost ki lunch box se uthai hui kachori — sab yaad aata hai.

Tab na status tha, na mobile, na Facebook — bas ek dil hota tha, jo bina matlab ke milta tha.

School ki bell bajte hi ek dusre ko “kal milenge” kehna, teachers ki daant mein bhi hans lena — kitni pyari yaadein hoti hain.

✨ School Se College — Badalte Chehre, Par Dil Wahi-

Fir badi classon mein aaye — dost badalte gaye par dosti ka rang aur gahra hota gaya.

Kabhi cycle se tuition jaana, kabhi tuition bunk karke samose khana — woh paise jo maa school fees ke liye deti thi, usse ice-cream kha lena — woh bhi kisi dost ke saath hi hota tha.

College aaya to pehli baar hostel life ya city life — naye dost bane, purane dost door ho gaye par dil mein hamesha yaad bane rahe.

College mein class bunk karke chai ki tapri par gappe, exam se ek din pehle puri class ka notes share karna, aur last bench par baith ke teacher ki mimicry — sab yaadein hai.

🌈 Jawani Mein Dosti — Zimmedariyon Ke Beech Bhi-

Fir jawani aayi — naukri, ghar ki zimmedariyan, shaadi, bachche.

Pehle jo dosti roz milne se hoti thi, woh ab phone par “kaise ho” tak seemit ho gayi.    Par jab bhi milte hain — woh bachpan ka dosti wala rang waisa ka waisa dil mein jag jaata hai.

Ek dost ko dekhte hi saari purani harkatein yaad aati hain — “Yaar woh din yaad hai?” kehkar hans padte hain.

Kitna bhi busy schedule ho — ek purana dost mil jaye to lagta hai — “Abhi bhi bachpan zinda hai.

💙 Dosti Ka Sabse Bada Tohfa — Yaadein-

Dosti ka sabse bada tohfa hota hai — woh yaadein jo kabhi budhape tak bhi sath rahti hai.

Jitne bade ho jao, jitne sheher badal lo —woh bachpan ke dost, school ki shararat college ki masti — woh kabhi bhi nahin bholai ja sakti woh yadein hamesha chehre par ek smile le aati hai.

🤝 Ek pyari Si Shayari sache dost ke                    naam -

     Saccha dost ek saaya hai,                                     Dhoop mein bhi woh chhaya hai,

     Rishte sab chhod gaye jab,                                   Usne hi saath nibhaya hai।

     Na paise ka na matlab ka,                                   rishta hai ye Dil se Dil ka,

     Zakhm ko marham banata hai,                          Saccha dost rab jaisa ban jata hai

🌺 Meri salah

“Sacche dost ko kabhi bhi bewajah ignore  mat kijiye.                                                        Jab zarurat ho tab uske saath khade rahiye aur har mushkil mein uska hausla badhaiye.                                                                Apne dil ki baat sacche dost se bina jhijhak share kijiye aur us par bharosa rakhiye.                                                              Dosti mein paise, ego aur matlab ko kabhi beech mein mat aane dijiye.                          Saccha dost sirf rishta nahi hota, woh jeevan bhar ka saathi hota hai.                     Isliye dosti ko sambhaliye, waqt dijiye aur hamesha nibhaiye.”

🌹 Aapke jeevan mein kaun hai woh saccha dost jisne mushkil samay mein saath nahi chhoda? 

Comments mein zaroor likhiye — shayad aapki kahani kisi ko dosti nibhane ki himmat de de।”

Dhanyawad!

Radhe Radhe!                                              Aapka din mangalmay ho! 🙏✨